هي دي الحكاية

عايز اكتب و اقول و احكي يا بلادي عايز اقول ليه العسكر اعتقلوا ولادي ليه العسكر قتلوا ولادي ليه العسكر سرقوا امجادي عايز اقول يا بلادي
عايز يا بلادي افتحلك قلبي و احكيلك ان اللي في السجون و المعتقلات دول مصريين ولادك شباب زي الولد حبوا يرجعوا امجادك مسلم مسيحي ميهمنيش اللي يهمني ان كتير منهم ضحوا علشان البلد دي تعيش الارض دي تعيش و تفضل و تكبر و تبقي يوم خمسة و عشريين ايه وداك الميدان مش برضه كنت حر ولا كنت جبان مش برضه وقفت جنبي و قولنا حي ع الفلاح و كان سلاحي و سلاحك ايمان ... ايمان بان البلد دي احسن البلدان طب الجبان و قال من قبليها انه جبان و اليوم حيحتفل مع جلاديه و مش حينزل الميدان بس علشان هم جبان و ابن جبان لما حس بدم الشهدا بيجب نصر غايب بقاله تلاتيين عام قالك انا نازل الميدان و الميدان شرعية و كل اللي فيه دول احرار و زعل اووي لما التلفزيون جاب صورة للميدان فاضي و نضيف و كان ساعتها كان حيجيلوا جنان و قال بالزمة ده اعلام بالزمة ده كلام و قعد يشتم و يلعن كل كاذب مقلش كلمة حق و قعد يشهد الناس علي مين الحق و الكل قال ان مبارك فاقد للشرعية و انه من اليوم الشرعية هي الشرعية الثورية و انت وفقت و خلاص اسقط الدستور و الدستور من الان نابع من الميدان و علشان متفتكروش انا بقول ان الحر بس كان في الميدان لأ الحر كان في الشوارع من الاسكندرية لغاية اسوان الحر كان في القلوب و جواه نار تاكل حشا الظلم و حشا الطغيان نرجع تاني يا سيدي و نكمل موضوعنا وفقت يابو سيفيين علي شرعية الثورة و علي دستور الميدان و وفقت علي محاكمة اعداء الشعب اله الطغيان طب ليه لما بسبسولك رجعت تجري ليهم كما العبيد و تقول نتفاوض و بعت دم الشهيد و كان ده كله في السر بس ربك مطلع و شهيد و كشفك و انت فاكر نفسك من ده كله بعيد
و جاء يوم الحسم و دقت ساعة التنحي ليرفع كلا منا هامته اما العبد فراسه سيظل محني و قولنا المسامح كريم و نتفق و نتالف و نعمل ائتلاف جامع بين مينا و امين و جورجيت و عفاف و ان كلنا من شعب مصر و شعب مصر له كلمة و راس و اتفقنا ان الدستور يموت و نعمل دستور جديد مفيهوش سادة او عبيد مفيهوش قوة لكيان في قوة للقانون و لكن حبك ان تكون قيصر مكان قيصر هو اللي صورك انك اقوي من الملايين اقوي من اللي كان نازل مع الثورة و عارف في كل يوم كان ممكن يموت و لما قالوا تعديلات جنت دم كل شهيد مات و قولت نعم ما اصلي انا عايز التورتة زي ما هي بالدم متحنية طب بامارة ايه اديت لنفسك حق تخدع شعب حر ملهوش ايد سياسية دي مكنتش قوة عقلية دي كانت قوة خسة و اعشاق دنيوية خنتوا الثورة و الثوار مش جديد عليك ياللي خنت البنا زمان قولي ليه مبدا ميكافيلي بقي بدل القران عندك قولي ليه لما فشل حائط الصمت حبيت تفشل جمعة الغضبان قولي ليه وليت نفسك مبارك مكان مبارك و اششتقت لجلاد قولي ليه بيتبني ع باطل علشان وساوس الشيطان ان بحب مصر و انت بتحب السلطان كاتب اعدوا لمين كتبها بالعربي لمين ليا ولا للامريكان طب الامريكان ملهمش في العرب مكان اكتبها بالانجليزي علشان يفهموها هما كمان
و قولي مين فوضك و مين نصبك تتكلم باسم شعب مصر الحر اتكنش عايز تشربنا المر لا و انسي كمان الحر لا يبيع الحرية بمنصب او بمال
طب في الاخر انا ليا شكر ليك و بقدمه بين عنيك شكرا ليك انك بتثبت كل يوم انك بعيد شكرا ليك انك بتثبت كل يوم انك بقالك 80 سنة سرطان يسري في جسد الامة و شكرا ليك في كل مرة من المرات لما صنفت المسلمين و كفرت المسلم الليبرالي و المسلم الاشتراكي فما بالك بغير المسلميين شكرا ليك انك اعترفت ان شبابك مهماش منك و ان دورهم لو فكروا يبقي مهمش شكرا ليك للاثبات ان الديكتاتور هو ايضا مكتب الارشاد شكرا ليك ع الانسحاب من ائتلاف الثورة الشباب اللي كنت معاهم و هما بيحيدوا بالثورة و لما رجعوا بيها بعتبهم يا تري بكام دم الشهدا و امهاتهم و اطفالهم و دم اللي ماتوا في المعتقلات بيلعن كل اللي حيبيع بيلعن كل اللي بيقول تطبيع بيلعن كلمة تصالح لا تصالح ع الدم الا بدم لا تصالح ع الموت الا بموت لا تصالح لا تصالح لا تصالح و لا غفران فالغفران من شيم الرحمن الحنان المنان و لكن لا يقع الا اذا صفح صاحب الدم و صاحب الدم لن يقبل فديه