إجمالي مرات مشاهدة الصفحة

السبت، 17 ديسمبر 2011

للبيع

للبيع
وطن للبيع
عرض للبيع
تاريخ للبيع
دم للبيع
غاز للبيع
جثث للبيع
عيون للبيع
شهدا للبيع
شرف للبيع
ثورة للبيع
قضاء للبيع
ضمير للبيع
اه يا وطن البيع
ايه اللي باقي مش للبيع
ياللي كنت واقف علي الحدود و ضربوك اليهود
مجلسك قال لليهود دمك للبيع
تدفع كام و نكتم علي الكلام
و اللي ثار و انتفض لدمك ساعتها
اليوم بتنفذ فيه اوامر اللي ضربوك
سحل و قتل و ضرب و تعرية ان لازم الامر
و انتهاك حرمته و انتهاك شرفه ان لازم الامر
اه نسيت
م كل شئ للبيع
شرفك للبيع
سلاحك للبيع
و دمك للبيع
يا تري يا دفعه يا جندي بيادة
باعوك بكام
اشتروا ضميرك و بعته بكام
يا تري يا جندي بياده عارف الحلال و الحرام
و لا كل شئ عندك بقي بكام
طب الحرية تعرفها بكام
بتجيب كام
بتدفع كام
الحرية تمنهاالدم
عارف الدم اللي حرر سينا بكام
لا يقدر بتمن
لانه دم حر اما انت دم بكام
اسال اللي مسكينك و حكمينك انت بالنسبلهم تسوي كام
لو انت بالنسبلهم بالفلوس تساوي
فانت علينا غالي
و اغلي من اروحنا
في 73 الشعب انتصر
اتطوع في الجيش و حارب و اتأسر
و اتقتل و اضرب و انتصر
اما انت يا جندي بيادة
عملت ايه
قلولك بتحمي مصر
تبقي بتحميها لو بتحمي ولاد مصر
لو بتحمي عرض مصر
لو بتحمي شباب مصر
هما دول مصر اللي تحميها
مش اللي في شارع تعريها
و تحرق مصحفها و انجيلها و تراتيلها
و تقتل شيخها و تدوس قسيسيها
هي دي مصر اللي لازم تحميها
مصر مش لابسه كاكي
مصر لابسه اسود
حداد علي اللي مات سواء كان ببيادة او من غير
مصر لابسه اسود حداد علي ولادها
اصحي و اعرف بتحمي مين
احمي اللي دمك عليه غالي
مش اللي خلي
دمك
عرضك
ارضك
مراتك
اختك
لحمك
غازك
ماضيك
مستقبلك
حالك
مالك
جارك
بيتك
اهلك
سلاحك
عرقك
جهدك
حلمك
فكرك
ضحكك
حزنك
كلك
لــــــــلــــــــــــبــــيــــــــع

السبت، 3 ديسمبر 2011

بيدك يمكن ان تغير

يا ثوار مصر يا سياسيين مصر قد اكون لست في سن يسمح لي ان اسدي نصائح فانا لم اكمل العقد الثالث في العمر و اكمل العقد الاول السياسي و لكن اعتبروا ان تلك النصائح هي من اجل الاحزاب المصرية ان تنجح علي تلك الارض :
1- يجب علي كل حزب مصري ايا كانت ايدولجيته ان يعمل ع الارض الاجتماعية و المجتمعية المصرية بتوغل شديد من حيث المشروعات التنموية و المشروعات التعليمية و الخدمية و اجعل الفارق بينك و بين اي تيار اخر انك تكون قادر علي اعطاء الصنارة و تعليم طريقة الصيد و اترك ذالك الفرد قادرا علي صيد رزقه بيده
2- توعية الشارع ببرنامجك الحزبي بصورة ميسرة بعيدا عن الداتا شو و الاجهزة المحمولة و اجعل ذالك بالحوار المباشر وجها الي وجه مع التاكيد ان تفعل ذالك بصورة ميسرة سهلة لا تعالي فيها حتي يشعروا انك جزئ منهم ليس ضدهم او ضد عقائدهم و ان تمحوا تلك الصورة التي كونت علي خلفية دينية نتيجة للجهل و من الافضل ان يكون لك في كل منطقة مجموعه تتولي هذا الشان مع زيارات متوالية لرموزك الحزبية لتلك المناطقة
3- المناسبات الاجتماعية يجب ايضا ان تكون متواجد فيها و ان تشارك فيها دون كلل او ملل فلا تتواني او تترك مناسبة الا و تكون من اول الواقفين بجانب ابناء الدائرة علي حد سواء
4 - يجب ان ترعي حملة للتنوير بين ابناء الدوائر المتواجد فيها من حيث محو الامية التعليمية و العلمية و الثقافية
5 - تعزيز العمل التطوعي بين فريق عملك و بين ابناء دوائرك و ذالك عن طرق كثيرة منها دروس التقوية و حملات التطوعية الصحية و المجتمعية في الاوقات كلها
6- يجب ان تكون لديك لجنة اجتماعية قادرة علي تنظيم كل ما سبق و قادرة علي توفير راس مال خاص بها من اجل ذالك و ليكن بالاشتراكات الشهرية او التبرعات
7 - ان تكون لك لجنة اليكترونية واعية سياسيا و قادرة علي ان تصل بك الي الانتشار الجيد علي الشبكة العنكبوتية لمن هم خارج الحدود و لمن لا يعرفك
8 - ان يكون لديك ادوات الدعاية من مصممين ويب و فوتو شوب متطوعين و ان امكن مطبعة لطباعة الدعاية الانتخابية و النشرات الدورية للحزب
9 - ان يكون لك القدرة علي اصدار جريدة تنشر فكر الحزب و احداثة و فعالياته و ما تم داخله و ان تكون لها هدف ان يمحوا الغموض عن اي جانب غير واضح عن الحزب
10 - ان يكون لك منبرا اعلاميا سواء كان مسموع او مراي ليكون مع الجريدة دخل للحزب بالاعلانات
11 - ان يكون لديك لجنة اعلامية من المتحدثين القادرين علي الوصول بحديثهم الي اقل الافراد ثقافة
12 - ان يكون لك لجنة للمراءة حقيقية تهتم بشئون المراة و الطفل
13 - ان تنظم بين وقت و اخر حدث ترفيهي للاطفال في المناطق المختلفة من اجل اكتساب شعبية في سن صغير و ان يكون لديك صفوف كثيرة من الكوادر الشابة التي ستنهض بك بعد ذالك
14 - ان تمنح للشباب فرص في الانتخابات النقابية و العمالية و المجالس المحلية كخطوة اوليه و كذالك في النوادي و المؤسسات الاجتماعية المختلفة حتي يكون ذالك تدريب اولي من اجل خوض انتخابات مجلسي الشعب و الشوري و اي انتخابات برلمانية

هذه هي نصائح اتمني ان يمكن تطبيقها في الاحزاب المصرية الجديدة قد اكون علي صواب و قد اكون مخطئ و لكن في النهاية كل ما اريده ان اري مصر في افضل صورة لا بطالة ولا جهل ولا امية