وضعوها امامي
و بصوت اجش
قال شخص في وسط الظلام
الذي لا يضيئه
ألا مصباح امامي
لم استطيع ان اري
وجه ذالك الشخص
كل ما قاله
اكتب اعترافاتك
يتكلم لي كانه رب
يريد ان يعرف خطيئتي
لكي يعاقبني
فاتطهر منها
كتبت في اول السطر
اسمي و عنواني و رقم بطاقتي
كتبت ان للرجولة جينات
و ان و انا صغير علموني
ان العدو صهيوني
ماسك نجمة داوود
و حلمه اني اموت
علموني ان فلسطين عربية
و ان اسرائيل مفتريه
موتت عبد الوادود
لما كان رابص ع الحدود
من بعد وصية ابوه
انه يحمي ارض اللي خلفوه
و علموني كمان
ان القدس عربية
فيها المسجد الاقصي
فيها كنيسة القيامة
علموني ان الصهيوني
لا بيفرق بين لونك و لوني
لا بيفرق بين دينك و ديني
علموني ان المصريين رجالة
و علشان انا راجل
طردت السفير بايدي
و قولتله ان الارض دي عربية
مصرية طاهرة
و ان الثورة رجعت للمصري هيبته
و كرامته لانها ثورة
و ان لسه النظام مسقطش
انا نزلت الشارع
ولان الفساد لسه بيحكم
و الظلم و المحسوبية
نزلت تاني الشارع
ولان مفيش تغير
نزلت التحرير
ولان اللي قتل الثوار متعدمش
و اللي اتسرق مرجعش
و اللي هرب متسلمش
نزلت تاني الشارع
ولان الشرطة منضفتش
و لسه الاعتقال متوقفش
و لان المعتقلات متقفلتش
ولان المحكمات العسكرية بالمزاج
نزلت تاني الشارع
نزلت اجيب حق اللي مات
سواء في التحرير او الاربعيين او القائد ابراهيم
او ع الحدود و في اي حته في مصر
سواء مات بقناصة او غير
نزلت الشارع
اصل حق اللي مات حسيت انه مات
نزلت الشارع اجيب حقه
و سلمتله الورق
و الظاهر ان الكلام معجبهوش
قالي بص ياللي بتقول ثورة
البلد دي بلدنا
و حتمشي بمزجنا
و نده بعلو صوته
خدوه و ع الممعتقل ودوه
و ع المحكمة العسكرية حولوه
و ورا القضبان حطوني
كتب الحيطة تاني
نازل الشارع تاني
الثورة لسه مخلصتش
مهما ضربوني و ضربوا رصاص
مهما دمي سال في الشارع
راجع تاني راجع
و حياتك يا مصر
حترجعي درة الزمان
