30 يونيو صفحة جديدة

صفحة جديدة و من اول السطر
اكتب و حسن خطك و سيب سطر
اكتب 55 عدد اللي ماتوا في القطر
اكتب 1560 عدد اللي اعتقلوا من شوارع مصر
اكتب جيكا و الجندي و كريستي و متحطش نقطة في اخر السطر
اكتب سلمية رغم الرصاص و القتل
اكتب حرية مهما زاد السلب
اكتب مساواة مهما فرقوا في الشعب
اكتب عدل مهما الظلم في الارض دب
اكتب اسماء اللي خانوا و اللي باعوا باحسن خط
لجل اللي يجي بعدك يحفظ اساميهم صم
اكتب عن كل دم في الارض سال
اكتب عن هتاف جوه حنجرة اتكتم برصاصة غدر
اكتب عن طفل اتيتم برصاصة كلب
اكتب عن عبد السلطة ليه رب
اكتب
اكتب قبل الحبر ما يبقي دم
و اكتب اد ايه زاد الهم و الغم
اكتب عن دمعة في عين اب
و حسرة في نظرة ام
و اكتب
عن حلم ضاع
و ناس باعوا بالسلطة صكوك غفران الرب
اكتب
تبت يدي كل سلطان و تب
طالما استقوي بعشيرته و كذب
سيثور الشعب من كل حدب
بغضبهم نار تحرق الحطب
و سيعلق بحبل ما صنع