إجمالي مرات مشاهدة الصفحة

الخميس، 28 يوليو 2011

انا ايه ؟

الاسم مصري
عارف تاريخي
عارف اصلي
السن ميهمش
ممكن اكون ابلغ من العمر عام
و ممكن الف عام
بس اللي يهمني الصالح العام
المهنة معتصم
في كل ميدان
و شارع
حقي
اكسر المواجع
اكتب من الوجعه
معتصم
مش صفة ولا ميزة
بس معتصم
عشان ثورتنا
و دمانا
و مصريتنا
و بلدنا
علينا عزيزه
معتصم
مش بلطجي
ولا قاطع طريق
و لا مخرب
و لا باكل كنتاكي ع الريق
و لا باقبض باليورو
ولا حتي بالجنية
عارف انا نازل الشارع ليه
مش عشان مجد
ولا عشان ارض
و لا عشان منصب
نازل عشان اللي مات
اللي لولا دمه لفضلنا
نلحس البيادات
و نتلم ف معتقلات
و نتحرم من السياسات
و نايد البيه ابو بفته
و نسيب اللي نايم
تايم في ثبات
و اللي ماسك مصحفه ماسك
و اللي كاسه في ايده ماسك
و اللي اتغيب
و اللي اتريب
و اللي امن الدولة
بقوا عارفينوا اكتر من ناسه
بعد ما كفر الثوار
و صنف فيهم ليل و نهار
ده ليبرالي كافر
و ده اشتراكي عميل
و ده علماني حقبر
كنت فين لما مات السيد ابن بلال
دعيت له بالرحمات
و ان الله يسكنه الجنات
طب حق اللي مات
مش مهم يبات
و نتصالح عليه
و علشان هدف
انسي اللي فات
سيبك يا عمي ده اللي فات فات
انسي تارك
خلاص فات الميعاد
لكن انا مش زيك
حق اللي مات
اجيبه و ان شالله اموت
الحق يا شيخنا عمره ما بيموت
الحق مش ديه
و مش عفو
و مش خلاص
الحق يا شيخنا قصاص
عارف يعني ايه قصاص
و لا متعرفش
م اللي كانوا بيفكروا
كفرتوهم خلاص
ما اصل التكقير اهواء
و الدين بالنسبالكم حيل
كسيت وجهك بصبغة اللحية و الجلباب
و نسيت ان العقل ياخذ بالاسباب
و لا اجتهاد مع النص
برغم ان الاصح الاجنهاد في فهم النص
لا يحق لك الكلام بصور القصر
و لا عمرك حتقول بحب مصر