لجان ضد التحرش
اه في واحد من الاخوانجيه بيقول لو كان الاخوان عملوا الحملة اللي ضد المتحرشين دي كان قالك جماعات الامر بالمعروف و النهي عن المنكر اولا انا ضد الجماعة بتاعت التحرش دي المفروض ده اختصاص الشرطة و الشرطة اللي ما بتعملش شغلها لازم تتعاقب و بما ان مرسي رئيس الدولة و المفروض انه شايف ان الشرطة مبتقومش بواجبها في حماية اعراض و كرامة المواطنين يبقي لازم في ردع للتقاعس ده ثم في حاجة تانية صغيرة الجماعة بتاعت ضد التحرش بتعلم علي المتحرش باسبراي مش بيقطعوا ودنه او ايده او عضو اخر و مبيضربوش البنت او يقولوا ليها ايه اللي نزلك او ايه اللي لبسك كده او اختاااااااااااه لا تكوني سبب للتحرش و اظن ان في وقعة شهيرة حدثت ايام الرسول حينما رفض ان يبايع فرد في وفد جاء الي مكة بعد فتحها لمبايعة الرسول علي الاسلام لانه تحرش باحد جواري مكة و لم يذكر في الحديث ان الشخص هذا دافع عن نفسه بانها سببا في التحرش كما لم يذكر وصفا لملابس تلك الجارية - الجارية تطلق في اللغة العربية علي الاناث - و اخيرا ارحمونا يرحمكم ربنا و فكروا بعقولكم فالعقل هو عضو التفكير و ليس للتفكير عضو اخر يبرر ان السلوك الهمجي يحدث بسبب الضحية
ليست هناك تعليقات:
إرسال تعليق